المساعد الشخصي الرقمي

مشاهدة النسخة كاملة : قصة طلاقها عورت قلبي مادري ايش اقول قصة واقعية ترويها صاحبتها


dark lord
01-22-2010, 10:01 PM
السلام عليكم ورحمة الله وبركاته
بنات مدري من وين أبدأ ووين انتهي حياتي ماعاد لها طعم ولا لون مدري شسوي حتى ولدي صرت أضربه لأتفه الأسباب مع أنه ياعمري صغير عمره سنتين
مدري شسوي تعبت صدري ضايق وعبراتي تتدافع وعيوني مليانة دموع بس ماهيب راضية تطلع
مدري ليش أنا كذا معقولة الطلاق أثر علي صار لي سنتين ونص مطلقة ومع ذلك أحس بفراغ أحس بحزن ملازمني أحاول أبين أني مبسوطة بس سرعان ما أرجع
سبحان الله حتى أقرب الأقربين صاروا وحوش
أختي الله يوفقها بتتزوج اخوي يظن أني غيرانة منها ويسبني ويتطاول علي يوم قلت له اشرطوا الوظيفة واكمال الدراسة وقام يتكلم علي ويجرحني بالكلام إلى آخر شي قال الحرمة السنعة مستحيل زوجها يطلقها يدق علي بالكلام
والله ثم والله أني تطلقت مظلومة
تخيلوا يا بنات والله إني متزوجة من واحد يموت فيني وأموت فيه ما بيننا الا الحب
والله الذي لا إله إلا هو انه طليقي كان يتغزل فيني قدام أهلو وتصدقين مرة من المرات شالني كاني طفلته ورقى فيني لغرفتي
ومرات ومرات باسني قدامهم
شي عجيب حب مو طبيعي تصدقين بالله أنه بعد كل لقاء بيننا في الفراش يبوس راسي ويشكرني
تصدقون بالله إني ما عمري نمت إلا في حضنه
تصدقون بالله أنه كان وقت الدورة يدهن رجولي إذا عورتني ويغطيني ويدفيني
تصدقون بالله أنه كان يشيل جسمي بالحلاوة يقول ما آمن أحد من المشاغل عليك
تصدقون بالله أني يوم حملت وكنت أتوحم كان يأكلني بنفسه
تصدقون بالله أنه كان أربع وعشرين ساعة مقابلني ما يطلع إلا لدوامه
تصدقون بالله أننا إذا سافرنا طول الطريق يمسك يدي ويقول ما ابيك بعيدة عني
تصدقون بالله أنهه يعلن حبه لي قدام أهلي
تصدقون بالله أني يوم زعلت عليه حب راسي قدام أمي
تصدقون بالله أنه يشكر ربي دايما أني زوجته
تصدقون بالله أنه ترك الدش علشاني ما ابيه
تصدقون بالله أني كنت أحسه دنيتي كلها
وبغمضة عين وبدون مقدمات يجي أبوه ويتهمني اني متكبره وشايفه حالي واني دلوعة ومسرفة ويصر عليه يطلقني حسب كلام ام طليقي هي اللي قالت هالكلام ما ظلمته
ويومين وطليقي يبكي وأنا ما أعرف السبب وش فيك يا حبيبي وش مضايقك
كان يضمني بحرارة ويبكي
وش فيك يافلان مايرد
عقب قالي يالله تجهزي بوديك أهلك رفضت وحلفت إني ما أروح إلا إذا علمني وعدني أنه يعلمني عند أهلي
رحنا لأهلي سلم علي أمي وقالي اطلبي من أمك تتركنا لحالنا ناديت أمي وقلت لها خلينا لحالنا قالت طيب
جيته فيي المجلس كان يبكي وجلس يبوسني ويضمني من راسي لرجولي ويبكي
صرت أبعده عني وأقول وش فيك حرام عليك علمني
جلس يبكي بعدين باسني وقال انتي طالق
أنا بغى يغمى علي طحت على الأرض وجلست أبكي عطاني ظرف وطلع
بعد ما هديت فتحت الظرف كان كاتب فيه اسفه وحزنه على طلاقي لكن ابوه ضغط عليه
بالله أنا وش سويت هل أنا السبب بالطلاق !!!
لو كان مايشوفني سنعة وزينة في تعاملي معه ما دللني كذا
مو هذا اللي قاهرني اللي قاهرني كلام أخوي ليش يقول لي كذا ليش يجرحني وأنا جرحي ينزف
ليش يسوي كذا بعدين يجي وكنه ما سوى شي
مشكلتي أني بسرعة أصفح واسامح وهذا اللي جرأ الناس علي حتى اخواني
بنات أتمنى تدعون لي بالتوفيق بدراستي وأن ربي يعوضني خير ويرزقني الزوج الصالح اللي تقر به عيني
لعل فيكم من دعوتها مستجابة
لعل فيكم من إذا أقسمت على الله أبرها
أتمنى تدعون لي من قلب وما تنسوني واللي ما تبي ترد تدعي لي بقلبها لأن دعوة المسلم لأخيه في ظهر الغيب لاترد
منقولة من صاحبة الموضوع شخصيا




مع تحيات (( منتديات اجمد ناس ))

ويبقي لنا السبق

WwW.AgMdNaS.CoM

admin
05-11-2015, 10:07 PM
¨°o.O ( ××قمرهم كلهم××) O.o°¨



حللت أهلاً .. ووطئت سهلاً ..
ياهلا بك بين اخــوآنج وخؤاتج..
ان شاء الله تسمتعين ؤيآنا ..
وتفيدين وتستفيدين ؤيآنا ..
وبانتظار مشاركاتـج وابداعاتـج ..
ســعداء بتـواجـدج ؤيآنا .. وحيـاج الله