المساعد الشخصي الرقمي

مشاهدة النسخة كاملة : قصة من الواقع


dark lord
01-22-2010, 10:01 PM
ياجماعة الخير هذي قصة حقيقيه


في وحده راحت للعمره وهي تصلي بالحرم شافت حرمة تصلي وتبكي


تصلي وتبكي وتدعي وتبكي


المراة استغربت منها وقالت اكيد لها سالفه وكان كل مابين فتره يجيها ولد شاب يكلمها ويروح ويشوف شنو تبي


المراه اخذها الفضول واجلست بجانبها واسالتها ليش تبكين عسا ما شر


فردت وقالت لها والله من العذاب اللي فيني


وليش؟ شنو سالفتك؟؟!!


قالتلها اقولك قصتي وبعدين احكمي


كنت متزوجه من زوج ونعم الازواج يحبني ويحترمني ويعزني


بس كان فيني عيب اني ما اجيب اعيال وانا حاولت بس الله مارزقني فشرت عليه انه يتزوج ثانيه وهو مارضى بس انا ظليت احن واحن الين وافق


فدورتله على المرة وخطبتها له وتم الزواج .. بس بعد ما تزوجها شبت نار الغيره بقلبي لانه اخذ يميل لها



وما مرت فتره الا والمراه حامل .. زادت غيرتي



المهم جابت له ولد



الزوج استانس وفرح وظليت انا افكر بروحي وشلون انا اللي شرت عليه



في يوم جاني زوجي وقالي بسافر مع مرتي الثانيه وبنخلي الولد عندك


ووافقت طبعا لانه مافي احد يمسك الولد غيري


سافروا وخلو الولد عندي وكان الوقت شتا وكنت شابه الدوه(فحم)


والولد عمره تقريبا بين السنه وكم شهر وهو يلعب ويطامر قدامي


وانا بقلبي نار تشتعل مثل جمر الدوه اشلون ياخذها ويسافر ولا !! ويخلي الولد عندي الخ من هالكلام.. وفجاه الا الولد يمد ايده بيلعب بالفحم اللي بالدوة ومن ناري وغيرتي مسكت ايديه وحطيتها اكثر بالفحم اللين ذابت ايده وهنا شلتها بعدها مايحتاج اقولك اشلون صارت ايد الولد


وهنا حسيت ان ناري طفت اشوي .. نمنا ذيك الليله الا ويجينا خبر وفاة زوجي مع زوجته وهم في طريق العوده بحادث


وظليت لحالي عايشه مالي احد غير ربي ومن ثم الولد اللي تشوفينه وصار اكثر من ولدي واعز ويدور راحتي ويرعاني ومالي ظل غيره


وهو اللي يشوف طلباتي وطلبات البيت ومو مقصر معاي بشي


بس انا كل ماشفت ايده يتقطع قلبي على اللي سويته فيه وهو ينادي يمه بس لحد الان ماقلتله اني انا اللي شوهت ايده


ولازلت اعاني من العذاب وتانيب الضمير وادعي ربي يغفرلي ذنبي


سبحان الله اشلون حكمة ربك انه صار هالولد خير لي لولا هالولد كان انا حالتي حاله


ويجيها الولد وهو مخبي ايده ويحب راسها ويسالها ها يمة نروح الحين؟؟؟


وعسى ان تكرهوا شيئا وهو خير لك




مع تحيات (( منتديات اجمد ناس ))

ويبقي لنا السبق

WwW.AgMdNaS.CoM

admin
05-11-2015, 10:07 PM
¨°o.O ( ××قمرهم كلهم××) O.o°¨



حللت أهلاً .. ووطئت سهلاً ..
ياهلا بك بين اخــوآنج وخؤاتج..
ان شاء الله تسمتعين ؤيآنا ..
وتفيدين وتستفيدين ؤيآنا ..
وبانتظار مشاركاتـج وابداعاتـج ..
ســعداء بتـواجـدج ؤيآنا .. وحيـاج الله