المساعد الشخصي الرقمي

مشاهدة النسخة كاملة : تسمحيلي أكون صادق؟


imported_ahmed
11-30-2009, 02:33 PM
ان شاءالله تعجبكم

------------------------------------


تسمحيلي أكون صادق في حياتي
تسمحي بكلمات وادري اني امون؟

ماهقيت الوقت يغير من صفاتي
وماهقيت سلوم في نفسي تهون

وماهقيت ان المحبة ان تباتي
ساهرن ليلك تملاك الظنون

ساهرن وحدك ولغيرك تحاتي
واثري ان الغير في حظن(ن) حنون

ماعطاك البال ولا أي التفاتي
غير في لحظات تغصبه الجفون

تنزل الدمعات ولا يقول هاتي
كنه يستخسر عليك دمع العيون!

تسمحيلي أكون صادق في حياتي
تسمحي بكلمات وادري اني امون؟

كنك ان تنسيني في يوم ياغلاتي
مانست عينك انا منهو أكون

-
تسمحيلي اكون صادق في حياتي
تسمحي بكلمات وادري اني امون؟

ماهقيت اتحملك وانتي غديتي
تعرفين امن الهجر كل الفنون

وماعرفت انساك والباقي يواتي
كل ماوقعت طيور الحب دون

وكل ماحلت ذكراك بذواتي
وكل ماحلت جفوني ع العيون

ماهقيت ان الفراق حيل عاتي
وماعرفت ليه البشر حيل يظلمون؟

وماعرفت انصف قلبي وياعزاتي
ماكفاك ياقلب اللي يسألون؟!

-
تسمحيلي اكون صادق في حياتي
تسمحي بكلمات وادري اني امون؟

اسمحي ارجع لسابق امنياتي
واسمحيلي اتخيلك بلا منون

واسمحي .. اني اشوفك في مباتي
واسمحي لطيفك يزور "ولايهون"

واسمحي لذكراك تبقى لين مماتي
واسمحي لا مت .. اسمك يذكرون

admin
05-11-2015, 10:07 PM
¨°o.O ( ××قمرهم كلهم××) O.o°¨



حللت أهلاً .. ووطئت سهلاً ..
ياهلا بك بين اخــوآنج وخؤاتج..
ان شاء الله تسمتعين ؤيآنا ..
وتفيدين وتستفيدين ؤيآنا ..
وبانتظار مشاركاتـج وابداعاتـج ..
ســعداء بتـواجـدج ؤيآنا .. وحيـاج الله