المساعد الشخصي الرقمي

مشاهدة النسخة كاملة : احبك ولا عندي سوى حبك؟


الهذلي
12-13-2010, 04:29 PM
أحبك يا بلادي ..

من غربك لا شرقك ..

ومن جنوبك لا شمالك ..

أحبك عدد ما صار في خط الجنوب إنسان هالك ..!

أحبك ..

ورغم إهمال بعض الناس ..!

أحبك يا بلادي ..

وحبك تاج فوق الراس ..

أحبك ..

وإذا صار سعر الرز في أسواقك بسعر الماس ..!

أنا أحبك بدون قياس ..

أحبك ..

عدد ما في الضمان مراجعين .!.

وأحبك ..

عدد ما في الشوارع مشردين وجايعين ..!

وأحبك ..

عدد ما جاك من أجانب مفسدين ..!

يترحلون ..!

ويرجعون ..!!

والمنافذ نايمين ..!!

لا نعاقبهم عقاب مواطنين(ن) مجرمين ..!!

ولا نسد ثغورنا ويصير منفذنا حصين ..!!!

يا بلادي إيه أحبك وحبي لك دنيا ودين ..

إيه أحبك ..

كثر ما بك من شباب(ن) عاطلين ..!

وإيه أحبك ..

كثر ما في بنوكنا متدينين ..!

وإيه أحبك ..

كثر من طاحوا في ساهر يوم كانوا مسرعين ..

وإيه أحبك ..

كثر ما تحضن دوايرنا كراسي مخالفين ..!

وإيه أحبك ..

كثر ما دار المدارس .. مدرسين(ن) هاملين ..!

وإيه أحبك ..

كثر ما شفنا شعور(ن) عفّنت على رؤوس مكدشين ..!

ما يصين ..!

متبهرجين ..!

يشبهوا التيس الحزين ..!

بأسواقنا متجمعين ..!

اللي مدري عنّهم في لبسهم

هم لابسين ..؟!

ولا نص مفصخين ..؟!!!!

يا بلادي إيه أحبك ..

كثر ما شفنا بنات(ن) كاشفات !!!!

ولو قليل ... !

إنتي بس قولي لي : هات ..!

وبعطيك أزود في البنات ..

وأحبك بعرض البنات المفتنات ...!!!

اللي يحزقن العباة ...!!!

اللي انرسم فيها عقارب بارزات ..!!!!!

واللي سكتنا عنّهم ..

وصاروا سلاة ..!!!!!!

للي يبى ياخذ نصيبه ..

في السلاة ..


,
,
,


عفوا بلادي انفرطت بلا ثبات ...

ونسيت أكمل ...

كيف أحبك ..

وكيف أحبك ..

وكيف أحبك ..

وكيف حبك ساكن بقلبي وربك ..

وهذا أنا ميت في حبك ..

ومن شمالك للجنوب ..

ومن مشارق شمسك لحد الغروب ..

إيه أحبك ..

ولا بديني غير حبك ..

وراح أحبك ..

كثر ما شفت بضواحينا فقر ..!!

وراح أحبك ..

كثر ما طحت بشوارعنا في حفر ..!!

وإيه أحبك ..

وإيه أحبك ..

وإيه أحبك ..

لا ولا أقدر أسبِّك ..

وراضيِّ بهذا القهر ..

لأنك بلادي ..

وأنا ممنون لك طول العمر ..

بس شوفي حل فينا يا دخيلك ..

وغيري حال الحفر وغيري حال البشر ...!

حلاي غير
12-13-2010, 05:31 PM
هذا الحب والا بلاش ههههههههههههه
الهذلي تسلم يدياتك يالغلااا
ماننحرم جديدك,,,